काश्मीरमध्ये लष्कराने केला दोन दहशतवाद्यांचा खात्मा

श्रीनगर : २८ ऑक्टोबर - जम्मू-काश्मीरमधील बडगाम येथील अरिबाग मचामा परिसरात कालपासून सुरू झालेल्या चकमकीत आज अखेर दोन दहशतवाद्यांचा खात्मा करण्यात जवानांना यश आलं. तर, दहशतवाद्यांशी लढतांना एक जवान जखमी झाला आहे.

जवानांकडून ठार करण्यात आलेले दोन्ही दहशतवादी हे लष्कर ए तोयबा या दहशतवादी संघटनेशी निगडीत होते. यातील एक जण पाकिस्तानचा रहिवासी होता. तर दुसरा पुलवामा जिल्ह्यातील होता. अशी माहिती काश्मीरजे आयजी विजयकुमार यांनी दिली आहे.

दरम्यान, या भागात दहशतवादी दडून बसलेले असल्याची माहिती जवानांना मिळाली होती. त्यानुसार मंगळवारी सायंकाळनंतर जवानांनी परिसरास घेराव दिला व शोधमोहीम सुरू केली होती. जवानांची चाहूल लागताच दडून बसलेल्या दहशतवद्यांनी जवानांवर गोळीबार सुरू केला, त्यास जवानांकडून चोख प्रत्युत्तर दिले गेले. यामुळ सुरू झालेल्या चकमकीत अखेर दोन दहशतवद्यांचा खात्मा झाला. तर एक जवान जखमी झाला.